Бүгін ҚР МАМ «Геральдикалық зерттеулер орталығы» РММ-ніің ұйымдастырумен Астана қаласында ҚР Ұлттық ұлан сарбаздарына арналған «Менің Қазақстаным» патриоттық акциясы аясында семинар өтті. Семинарға Ұлттық Ұлан сарбаздары мен әскери қызметкерлер қатысты.
Іс-шараның негізгі мақсаты – сарбаздар арасында мемлекеттік рәміздерді насихаттау, олардың бойларында паториоттық сезімді оятып, отансүйгіштікке баулу.
Семинарда мемлекеттік рәміздердің тарихы, пайдалану тәртібі мен жауапкершілігі жайлы ақпараттар берілді. Сонымен қатар, семинарда елдік нышандардың әр азамат үшін маңызын тереңірек ұғынып, рәміздерді құрметтеу – мемлекеттілікті нығайтудың бір жолы екені айтылды.
Дәріс соңында сұрақ-жауап ойыны ойнатылып, белсенділік танытқан қатысушыларға арнайы сыйлықтар мен төсбелгілер табысталды.
Айта кетейік, аталмыш дәріс бұған дейін бірнеше мектептерде, ЖОО-лар мен спорт федерацияларында, сонымен қоса әскери бөлімшелерде үздіксіз өткізіліп келеді.
