Аустралияның Саншайн-Кост қаласында мектеп оқушыларынаарналған ең беделді зияткерлік жарыстардың бірі – Математикадан халықаралық олимпиада (IMO) өтуде. Биылғы олимпиадаға әлемнің 100-ден астам елінен жас математиктер қатысып жатыр.
Қазақстан ұлттық құрамасы Қытайда өткен халықаралық дайындық жиындарынан кейінолимпиадаға жол тартты. Команда құрамында Haileybury Almaty, Spectrum International School, Nurorda Almaty, Республикалық физика-математика мектебі және «Білім-инновация» лицейінің 6 оқушысы бар.
Ғылыми жетекшілері — PhD докторы Асылбек Исахов және олимпиада жеңімпазы Қанат Сатылханов.
Қазақстан IMO-ға 1993 жылдан бері қатысып келеді. Осы уақыт ішінде 16 алтын, 47 күміс, 77 қола медаль және 29 құрмет грамотасына ие болды.