Қосшы қаласында қазақ вальсінің королі атанған композитор, Қазақстанның Еңбек Ері, Халық әртісі Шәмші Қалдаяқовтың 95 жылдығына орай ауқымды мәдени шара ұйымдастырылды. Мерекелік іс-шара барысында 307 жұп (яғни 614 адам) Шәмшінің мәңгілікке айналған әуеніне вальс билеп, әлемдік рекордты жаңартты.
Бұл тарихи оқиға GLOBAL BOOK OF RECORDS ұйымы тарапынан ресми түрде әлемдік рекорд ретінде тіркеліп, арнайы сертификат табысталды. Сертификатты Азия және Африка елдері бойынша ұйымның ресми өкілі Қуандық Құдайбергенов салтанатты түрде тапсырды.
Айта кетейік, осыған дейін бұл бағыттағы рекорд 2018 жылы Австрияның Вена қаласында тіркелген еді. Қосшы тұрғындарының ұйымшылдығы мен өнерге деген сүйіспеншілігі нәтижесінде сол рекорд жаңарып, жаңа тарихи белеске қол жеткізілді