Геральдикалық зерттеулер орталығының мамандары Астана қаласының Полиция департаментіне арнайы барып, мемлекеттік рәміздерді пайдалану тәртібі мен оған қатысты заңнамалық талаптарды түсіндіру мақсатында кездесу өткізді.
Іс-шара барысында мамандар Қазақстан Республикасының Мемлекеттік Туы, Елтаңбасы және Әнұранына қатысты нормативтік-құқықтық актілерді егжей-тегжейлі таныстырып, рәміздерді дұрыс қолдану мәдениетінің маңыздылығына баса назар аударды.
Кездесу ақпараттық-танымдық сипатта өтті. Мамандар маңызды мағлұматтарды ортаға салып, қатысушылардың сұрақтарына толыққанды жауап қатты.
